Skuggespel

Skuggespel formidlar den tause kvardagskrafta i draum, kjærleik og lengsel. Dikta smyg seg stille fram i spenningsfeltet mellom det synlege livet og det vi sjeldan deler eller finn ord for. Fleire av dikta er inspirerte av naturens skiftande uttrykk, som symbol på mennesket sitt indre mangfald. Bileta skaper sin eigen dynamikk saman med tekstane: bak kameraet smalnar utsynet, og fargar og formasjonar trer fram som nye oppdagingar.
Ei bok til ettertanke for deg som søkjer ro og stille, og som har glede av naturens eigen stemme.

Berit Kverneng (f. 1957) har budd i Bergen heile vaksenlivet, med Ålesund som barndomsby. Ho er førskolelærar, med vidareutdanning i organisasjon, leiing og rettleiing, og driv i dag si eiga verksemd innanfor pedagogisk utviklingsarbeid. Ho er også ein ivrig hobbyfotograf. Skuggespel er debutdiktsamlinga hennar, illustrert med eigne fotografi.